आयो बसंत सखीरी मिल खेलिये होरी ॥ टेक ॥
परके भूल गई गृह काजन मन में ताप रहो री
जिनजिन खेली होरी शाम संग तिन बड भाग्य भयो री
मिल खेलिये होरी ॥ १
तज सब काज आज घरके रे लाज को दूर धरो री
फागन के दिन बीत जात फिर पीछे पछतो री
मिल खेलिये होरी ॥ २
सब संगति वृंदावन जाकर शाम को खोज करो री
कर बिचार जुगति से घेरो जानन पावे बहोरी
मिल खेलिए होरी ॥ ३
पिचकारी पकडकर सुंदर ध्यान से रंग भरो री
प्रेम गुलाल मलो मुख ऊपर ब्रम्‍हानंद रस लो री
मिल खेलिये होरी ॥ ४ 

Aayo basant sakhiri mil kheliye hori || tek ||
Parke bhool gayi grah kaajan mann mein taap raho ri
Jinjin kheli hori shaam sang tin bad bhagya bhayo ri
Mil kheliye hori || 1
Taj sab kaaj aaj gharke re laaj door dharo ri
Phaagan ke din beet jaat fir peeche pacchto ri
Mil kheliye hori || 2
Sab sangati vrindavan jaakar shaam ko khoj karo ri
Kar bichaar jugati se ghero janan paave bahori
Mil kheliye hori || 3
Pichkaari pakad kar sundar dhyaan se rang bharo ri
Prem gulaal malo mukh upar Brahmanand ras lo ri
Mil kheliye hori || 4