आओ सहेल्हां रली करां है पर घर गवण निवारि॥

1. झूठा माणिक मोतिया री झूठी जगमग जोति।
झूठा आभूषण री, सांची पियाजी री प्रीति॥

2. झूठा पाट पटंबरा रे, झूठा दिखडणी चीर।
सांची पियाजी री गूदड़ी, जामें निरमल रहे सरीर॥

3. छपन भोग बुहाय देहे इण भोगन में दाग।
लूण अलूणो ही भलो है अपणे पियाजीरो साग॥

4. देखि बिराणे निवांणकूं है क्यूं उपजावे खीज।
कालर अपणो ही भलो है, जामें निपजै चीज॥

5. छैल बिराणो लाखको है अपणे काज न होय।
ताके संग सीधारतां है भला न कहसी कोय॥

6. बर हीणो अपणो भलो है कोढी कुष्टी कोय।
जाके संग सीधारतां है भला कहै सब लोय॥

7. अबिनासीसूं बालबा हे जिनसूं सांची प्रीत।
मीरा कूं प्रभुजी मिल्या है ए ही भगतिकी रीत॥

aao sahelhaan ralee karaan hai par ghar gavaṇa nivaari॥

1. Jhooṭhaa maaṇaik motiyaa ree jhooṭhee jagamag joti.
Jhooṭhaa aabhooṣhaṇa ree, saanchee piyaajee ree preeti॥

2. Jhooṭhaa paaṭ paṭambaraa re, jhooṭhaa dikhaḍaaṇaee cheer. Saanchee piyaajee ree goodadee, jaamen niramal rahe sareer॥

3. Chhapan bhog buhaay dehe iṇa bhogan mein daag.
Looṇa alooṇao hee bhalo hai apṇe piyaajeero saag॥

4. Dekhi biraaṇae nivaanṇaakoon hai kyoon upajaave kheej.
Kaalar apṇo hee bhalo hai, jaamen nipajai cheej॥

5. Chhail biraaṇo laakhako hai apṇe kaaj na hoy.
Taake sang seedhaarataan hai bhalaa na kahasee koy॥

6. Bar heeṇo apṇo bhalo hai koḍhee kuṣhṭee koy.
Jaake sang seedhaarataan hai bhalaa kahai sab loy॥

7. Abinaaseesoon baalabaa hey jinasoon saanchee preet.
Meeraa koon prabhujee milyaa hai e hee bhagatikee reet॥"