जोति सरूपी आतमा, घट घट रहो समाय।
परम तत्त मन भावनो, नेक न इत उत जाय।।1।।

रूप रेख बरनौं कहा, कोटि सूर परगास।
अगम अगोचर रूप है, कोउ पावै हरि को दास।।2।।

नैनन आगे देखिये, तेज पुंज जगदीस।
बाहर भीतर रमि रहयो, सो धरि राखो सीस।।3।।

बाजत अनहद बाँसुरी, तिरबेनी के तीर।
राग छतीसो होइ रहे, गरजत गगन गँभीर।।4।।

आठ पहर निरखत रहौ, सन्मुख सदा हजूर।
कह यारी घरहीं मिलै, काहे जाते दूर।।5।।

बेला फूला गगन में, बंकनाल गहि मूल।
नहिं उपजै नहिं बीनसै, सदा फूल कै फूल।।6।।

दछिन दिसा मोर नइहरो, उत्तर पंथ ससुराल।
मानसरोवर ताल है, तँह कामिनि करत सिंगार।।7।।

आतम नारि सुहागिनि, सुंदर आपु सँवारि।
पिय मिलिबे को उठि चली, चौमुख दियना बारि।।8।।

धरति अकास के बाहरे, यारी पिय दीदार।
सेत छत्र तहँ जगमगै, सेत फटिक उँजियार।।9।।

तारन समर्थ है, अवर न दूजा कोय।
कह यारी सतगुरु मिलै, तौ अचल अरु अम्मर होय।।10।।

Joti saroopi aatma, ghat ghat raho samay
param tatt man bhavno, nek na it ut jaye

Roop rekh barno kaha, koti soor pargaas
Agam agochar roop hai, kou paave hari ko daas

Nainan aage dekhiye, tej punj jagdis
Bahar bheetar rami rahyo, so dhari raakho sees

Baajat anhad bansuri, tirbeni ke teer
Raag chhatiso hoi rahe, garjat gagan gambhir

Aath pehar nirkhat rahau, sanmukh sadaa hajoor
Keh Yaari ghar hi milai, kaahe jaate door

Bela phoola gagan mein, banknaal gahi mool
Nahin upjain nahin binasai, sadaa phool kai phool

Dacchin disa mor naiharo, uttar panth sasural
Mansarover taal hai, tahn kaamini karat singaar

Aatam naari suhagini, sundar aapu sanwari
Piya milibe ko uth chali, chaumukh diyana bari

Dharti akaas ke baahre, Yaari piye didar
set chhatra tahn jagmagai, set fatik unjiyaar

Taaran samarth hai, avar na dooja koi
Keh Yaari satguru milai, tau achal aru ammar hoi