राम रमझनी यारी जीव के ।।टेक।।
घट में प्रान अपान दुबाई। अरध उरध आवै अरु जाई ।1।
लेके प्रान अपान मिलावै। वाही पवन तें गगन गरजावै ।2।
गरजै गगन जो दामिनि दमकै। मुक्ताहल रिमझिम तहँ बरखै ।3।
वा मुक्ता महँ सुरति परोवे। सुरति सब्द मिल मानिक होवे ।4।
मानिक जोति बहुत उँजियारा। कह यारी सोइ सिरजनहारा ।5।
साहब सिरजनहार गुसाईं। जा में हम सोई हम माहीं ।6।
जैसे कुंभ नीर बिच भरिया। बाहर भीतर खालिक दरिया ।7।
उठ तरंग तँह मानिक मोती। कोटिन चंद सूर कै जोती ।8।
एक किरिन का सकल पसारा। अगम पुरुष सब कीन्ह नियारा ।9।
उलटि किरन जब सूर समानी। तब आपनि गति आपुहिं जानी ।10।
कह यारी कोई अवर न दूजा। आपुहि ठाकुर आपुहिं पूजा ।11।
पूजा सत्तपुरुष का कीजै। आपा मेटि चरन चित दीजै ।12।
उनमुनि रहन सकल को त्यागी। नवधा प्रीति बिरह बैरागी ।13।
बिनु बैराग भेद नहिं पावै। केतो पढ़ि पढ़ि रचि रचि गावै ।14।
जो गावै ता को अरथ बिचारै। आपु तरै औरन को तारै ।15।
।दोहा।
तारनहार समर्थ है, और न दूजा कोय।
कह यारी सतगुरु मिलैं, अचल अमर तब होय ।16।

raam ramjhanee yaaree jeev ke .. Ghaṭ mein praan apaan dubaaii. Aradh uradh aavai aru jaaii .
1. Leke praan apaan milaavai. Vaahee pavan ten gagan garajaavai .
2. Garajai gagan jo daamini damakai. Muktaahal rimajhim tahn barakhai .
3. Vaa muktaa mahn surati parove. Surati sabd mil maanik hove .
4. Maanik joti bahut ujiyaaraa. Kah yaaree soi sirajanahaaraa .
5. Saahab sirjanhaar gusaaiin. Jaa mein hum soii hum maaheen .
6. Jaise kumbh neer bich bhariyaa. Baahar bheetar khaalik dariyaa .
7. Uṭh tarang tanh maanik motee. Koṭin chand soor kai jotee .
8. Ek kirin kaa sakal pasaaraa. Agam puruṣ sab keenh niyaaraa .
9. Ulṭi kiran jab soor samaanee. Tab aapni gati aapuhin jaanee .
10. Kah yaaree koii avar na doojaa. Aapuhi ṭhaakur aapuhin poojaa . 11. Poojaa sattapuruṣ kaa keejai. Aapaa meṭi charan chit deejai . 12. Unamuni rahan sakal ko tyaagee. Navadhaa preeti birah bairaagee . 13. Binu bairaag bhed nahin paavai. Keto paḍhi paḍhi rachi rachi gaavai . 14. Jo gaavai taa ko arath bichaarai. Aapu tarai auran ko taarai . 15.
. Dohaa. Taaranahaar samarth hai, aur n doojaa koy. Kah yaaree sataguru milain, achal amar tab hoy . 16. "